🌷🌷🌷🌷🌷🌷🌷🌷 ।।सुतललोकवर्णनम् ।। 🌷🌷🌷🌷🌷🌷🌷🌷 वितलस्य अधस्ताद्वै दससहस्रयोजनम् । दिव्यस्सुतललोकस्सप्तलोकेषु चोत्तमः ।।१।। पुण्यश्लोको नृपो यत्र विरोचनात्मजो महान् । प्रह्लादस्य च पौत्रो हि बलिः सुशोभते सदा ।।२।। बुद्धिमान्गुणवानेष बलशाली च वीर्यवान् । सर्वदानसमर्थो हि ब्राह्मणानां च पूजकः ।।३।। ब्रह्मवेता यशस्वी स सत्यवक्ता दृढव्रतः । धर्मात्मा च महात्मा वै योद्धा च समराङ्गणे ।।४।। देवैस्स प्रार्थितो विष्णुर्लोकं च प्रापणाय वै । तेषां च प्रार्थनां श्रुत्वा प्रासीदच्च हरिस्तदा ।।५।। भगवान्काश्यपो विष्णुर्देवानां कार्यसाधकः । महेन्द्रस्य प्रियं कर्तुमदितिसुतो बभूव ।।६।। वटुरूपं समास्थाय जगाम वामनः प्रभुः । त्रीणि पदानि भूर्हेतोर्बलिद्वारे स्थितो हरिः ।।७।। त्रींल्लोकान्प्राप्य विष्णुर्वै देवताभ्यो ददौ यथा । बलिनृपाय लोकं वै सुतलं प्रददौ तथा ।।८।। प्रार्थयामास तं विष्णुं करबद्धो बलिस्तदा । त्वां विहाय न किञ्चिद्वै वाञ्छामि भगवन् प्रभो ।।९।। एकं मन्वन्तरं यावत्त्रिलोकस्य सुखं यथा । भगवद्दर्शनं सर्वं तिष्ठति शाश्वतं सुखम् ।।१०।। द्वारपालस्सदाविष्णुर्भगवांस्तत्र च स्थितः । दिव्यमद्भुतलोकं वै मुनयस्तं ब्रुवन्ति ह ।।११।। एकदा रावणस्तत्र सुतलमाजगाम ह । येनाङ्गुष्ठेन पादेन पातयामास तं हरिः ।।१२।। गदापाणिस्सदा विष्णू रक्षति सुतलं सदा । दृढभक्त्या भजन्ते वै जना विष्णुञ्च सर्वदा ।।१३।। यादृश्यस्सम्पदस्तत्र वर्तन्ते सुतले यथा । तादृश्यस्सम्पदो नास्ति देवेन्द्रस्य च मन्दरे ।।१४।। स्वधर्मेण बलिस्तत्र विष्णुद्भक्तिं करोति वै । आस्तेऽधुनापि राजा वसति निर्भयेन च ।।१५।। पुण्यश्लोको बली राजा पुण्यश्लोका कथा ननु । पुण्यसुतललोकोऽयं वै पुण्यचरितं महत् ।।१६।। शिवान्या कृतमेतद्वै सुतललोकवर्णनम् । पठन्ति श्रद्धया ये याः विष्णुस्तेषु प्रसीदति ।।१७।। (अनुष्टुप् छन्दः ) डा. शिवानी शर्मा, जयन्तीपुरम्, हरियाणाराज्यम् । 🌷🌷🌷🌷🌷🌷🌷🌷